Mining Journal Awards 2011

2011-10-21 18:13

Жил тутам зохион байгуулдаг Mining Journal Awards шалгаруулалтын Шүүгчдийн зөвлөл эхний хуралдаанаа хийв. Уул уурхайн салбарын оны шилдэг үйл ажиллагааг дөрвөн ангиллаар тодруулдаг уг арга хэмжээ нь салбарын хэмжээнд зохион байгуулагддаг бөгөөд хараат бус Шүүгчдийн зөвлөл мэргэжлийн түвшинд нарийвчилсан үнэлгээ өгч шилдгийг тодруулдгаараа онцлог юм.

Энэ жилийн шалгаруулалт уламжлалт дөрвөн ангиллын түвшинд болох ба харин уул уурхайн компаниудын үйл ажиллагааг дүгнэх үзүүлэлт нь илүү нарийвчилсан байдлаар гарчээ. Тухайлбал, Шилдэг үйл ажиллагааны номинацид нэрээ дэвшүүлж буй уул уурхайн компаниудын ирүүлсэн материалд нийгмийн хариуцлагын чиглэлээр хийсэн ажлын үр дүнг илүү өндөр оноогоор дүгнэхээр Шүүгчдийн зөвлөл хэлэлцэн тогтов. Түүнчлэн өмнөх жил Шилдэг эко уурхайг шалгаруулахдаа баримталсан олон улсын стандартууд дээр дотооддоо мөрдөж буй бусад стандартын шаардлагыг нэмж, үнэлгээ өгөхөөр Шалгаруулалтын журамд нэмж тусгалаа.

Уул уурхайн дэвшилтэт үйл ажиллагааг аль нэг төрийн байгууллагын үзэмжээр бус, харин мэргэжлийн байгууллагуудын санал, хяналт, судалгаанд үндэслэн, олон нийтийн санал асуулгыг хамтатган,  Мэргэжлийн хараат бус шүүгчдийн үнэлгээгээр тодруулдаг энэхүү туршлага олон улсад түгсэн юм. Өнгөрсөн жилийн шалгаруулалтад материалаа ирүүлсэн компаниудын тоо энэ удаа мэдэгдэхүйц нэмэгдэж байгаа бөгөөд компаниуд нарийвчилсан шалгуур үзүүлэлтийн дагуу бэлтгэсэн тайлан, статистикаас гадна үйл ажиллагааныхаа тухай видео дүрсүүдийг хавсарган илгээж байна.

Mining Journal Awards-2011-д ирүүлсэн материалуудад Шүүгчдийн зөвлөл үнэлгээ өгөхөөс гадна www.gogo.mn, www.news.mn, www.mongolianminingjournal.com сайтуудаар олон нийтийн санал асуулга аравдугаар сарын 25-наас эхлэн нэгдсэн журмаар явагдана.

                                Mongolian Mining Journal Awards 2011

The Mongolian Mining Journal нь Уул уурхайн салбарын оны шагналын номинациа хоёр дахь жилдээ зарлаж байна. Монгол орны уул уурхайн салбар эрчимтэй хөгжлийн замдаа орж, олборлолт төдийгүй уул уурхайн үйлдвэрлэлийн үйл ажиллагаа эрчимжлээ. Дэлхийн уул уурхайн хөгжлийн шинэ технологи, стандартууд, түүнчлэн ижил бэрхшээл асуудлууд ч Монгол оронд адилхан тулгарч буй энэ цаг үед салбартаа амжилттай ажиллаж байгаа байгууллага, хамт олныг тодруулан нэрлэх нь туйлаас чухал билээ.

Mining Journal Awards-ийг жил тутам гардуулах ба тухайн жилийн үйл ажиллагаагаар нь мэргэжлийн дөрвөн номинаци тус бүрт шалгаруулалт явагдана. Шүүгчдийн бүрэлдэхүүн буюу MINING JOURNAL COUNCIL үндсэн шалгаруулалтыг мэргэжлийн түвшинд хийнэ.

Консулын бүрэлдэхүүнд уул уурхайн салбарын мэргэжилтэн, инженер техникийн ажилтнууд, байгаль орчны мэргэжилтэн, судалгаа болон эрсдэлийн шинжээч, бизнесийн удирдлагын мэргэжилтнүүд багтана. Мөн хөндлөнгийн санал асуулгыг олон нийтийн дунд онлайн санал асуулга ба санал асуулгын хуудас бөглөх хэлбэрээр нээлттэй хийж эхлээд байна. Санал асуулгын далайц, уул уурхайн чиглэлээр ажилладаг компаниудын уг шалгаруулалтад оролцох эрмэлзэл өнгөрсөн жил тун өргөн байсныг Та бүхэн олон нийтийн мэдээллийн хэрэгслэлээр үзэж танилцсан буй за. Энэ удаагийн арга хэмжээ өмнөхөөс илүү өргөн хүрээнд явагдах юм.

Дараах ДӨРВӨН ангилал тус бүрд уул уурхайн чиглэлийн үйлдвэрлэл явуулж буй байгууллагууд нэрээ дэвшүүлнэ.

1. ШИЛДЭГ УУРХАЙ
Монгол орны ашигт малтмалын ба газрын тосны орд газарт олборлолт явуулж буй шилдэг олборлогч байгууллагад олгох шагнал  

Шалгуур үзүүлэлт:
•    уурхайн ажил батлагдсан ТЭЗҮ-ийн дагуу явагдаж байгаа эсэх
•    хаягдал бохирдлын хэмжээг зохих түвшинд барьж байгаа эсэх
•    тухайн жилийн уулын ажлын төлөвлөлтийн биелэлт
•    олборлолтын хэмжээ тогтвортой өссөн байдал
•    эдийн засгийн үр ашгийн үзүүлэлт

 2. УУЛ УУРХАЙН ХАРИУЦЛАГАТАЙ  АЖИЛЛАГАА
Дотоод болон гадаадын компаниуд энэхүү шагналд нэр дэвшүүлнэ. Судалгаа шинжилгээний ажлуудаа гүйцэтгэн, үйлдвэрлэлийн шатанд үйл ажиллагаанд амжилттай дэвшин орж буй компанид хүртээх оны шагнал.
Шалгуур  үзүүлэлт:

    * Боловсруулах үйл ажиллагааны түвшин (хэдэн хувийн баяжуулалт хийж         байгаа вэ)
    * гэмтэл осолгүй ажилласан цаг ( 100 хүнд ногдох үйлдвэрлэлийн осол             гэмтлийн коэффициент )
    * хөдөлмөр хамгааллын менежментийн тогтолцоо
    * нийгмийн хариуцлагын байдал (ажлын байрны тоо, нийт ажиллагсдад         эзлэх орон нутгийн иргэдийн хувийн жин, дотоодын болон орон нутгийн       ханган нийлүүлэгчдийг сонгосон байдал, орон нутагт оруулж буй               татварын хэмжээ харьцангуй үзүүлэлтээр, хандив, орон нутгийн                   хүүхдүүдээс сургуульд суралцуулж буй байдал)  
    * дэд бүтцийн бүтээн байгуулалтад зарцуулсан хөрөнгө оруулалтын     хэмжээ
    * олборлох үйлдвэрлэлийн ил тод байдлын санаачлагад хамрагдсан эсэх  
    * санхүү, үйл ажиллагааныхаа тайланг олон улсын хөндлөнгийн аудитаар баталгаажуулсан байдал
    * улсад төлсөн татварын хэмжээ хөрөнгө оруулалтын хэмжээтэй жигнэсэн үзүүлэлтээр


3. ШИЛДЭГ ЭКО УУРХАЙ
Энэхүү шагналыг уул уурхайн хайгуулын төдийгүй олборлолтын үйл ажиллагаа явуулж  буй компанид олгоно. Тухайн компани байгаль орчныг хамгаалах, нөхөн сэргээх чиглэлээр хэрхэн санаачлагатай ажиллаж байгааг   шалгаруулах нэн чухал номинаци юм.

Шалгуур үзүүлэлт:

    * байгаль орчныг хамгаалах бодлогын менежментийн түвшин
    * байгаль орчинд нөлөөлөл багатай  дэвшилтэт технологийн хэрэгжилт
    * байгалийн ямар бүс нутагт нөхөн сэргээлт хийсэн /ус чийг багатай газар нөхөн сэргээлт хийсэн бол илүү оноо өгөх/  
    * байгаль орчныг хамгаалахад тухайн жилд хэчнээн хэмжээний хөрөнгө, мөнгө зарцуулсан
    * байгаль орчны сан байгуулсан эсэх, Сангийн хөрөнгө тогтвортой өссөн эсэх
    * ISO 1400, ISO 1900  болон нөхөн сэргээлтийн дотоодын  стандартуудыг мөрддөг эсэх
    * уурхайн хаалтын санхүүжилтийн эх үүсвэр

4. УУЛ УУРХАЙН ШИЛДЭГ ТЕХНОЛОГИ
Аюулгүй үйл ажиллагаа явуулж байгаа, сүүлийн 12 сард шинэ дэвшилтэт техник,   технологийг үйл ажиллагаандаа амжилттай нэвтрүүлсэн эсэхээр уг шалгаруулалтыг   дүгнэнэ.

Шалгуур үзүүлэлт:

    * Олборлолтын дэвшилтэт технологи нэвтрүүлсэн болон нэвтрүүлж байгаа эсэх. Монголд өмнө нь уг технологийг ашиглаж байсан эсэх
    * Боловсруулалтын дэвшилтэт технологи нэвтрүүлсэн болон нэвтрүүлж байгаа эсэх. Монголд өмнө нь уг технологийг ашиглаж байсан эсэх
    * Метал авалт, ашигт малтмал олборлолтын түвшин (Технологийн хаягдлыг багасгасан байдал, бүтээгдэхүүн үйлдвэрлэлээ сайжруулсан байдал)

Дээрх номинациудын аль нэгэнд нэр дэвшүүлж буй үндэслэлээ тав хүртэлх хуудаст багтаах ба танилцуулгын материалыг The Mongolian Mining Journal сэтгүүлийн хаягаар хүлээн авна. Дээрх шалгуур үзүүлэлтүүдийн дагуу бэлтгэсэн материалын хамт үйл ажиллагааны Ерөнхий үзүүлэлтийг хавсаргана.
Нэр дэвшүүлэлт 2011 оны арваннэгдүгээр сарын 15 хүртэл явагдана. Мэргэжлийн Шүүгчдийн зөвлөлийн хараат бус шалгаруулалтаар, түүнчлэн мэргэжлийн байгууллагуудын саналын хуудсаар нэгтгэгдэн шалгарсан байгууллагуудад шагнал гардуулах ёслол улс орон даяар олон нийтийн мэдээллийн хэрэгслэлээр өргөн цацагдана.  Номинаци тус бүрээр шалгарсан байгууллага, шилдэг үйл ажиллагааны  сурталчилгаа олон нийтийн мэдээллийн хэрэгслэлээр дараагийн шалгаруулалт хүртэл тогтмол явна.

Дэлхийн түвшний уул уурхайн шилдэг үйл ажиллагаа Монгол эх оронд маань төлөвшин, үндэсний тогтвортой хөгжлийн гарааг тавих болтугай. Уул уурхайн салбарын шилдгийг нэрлэх шалгаруулалт хараат бус, зөвхөн мэргэжлийн шүүлтүүрээр тодорч, өнгө мөнгөний хэмжүүрээс ямагт ангид байг.
                                                                           

   The Mongolian Mining Journal

Улаанбаатар, Чингэлтэй,
Барилгачдын талбай-4,
Макс цамхаг 402, 403 тоот
Утас:77220900
         77220200
         99992019
Факс: 77222300
ider@mongolianminingjournal.com
info@mongolianminingjournal.com

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 8 цаг 33 минутын өмнө
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 8 цаг 34 минутын өмнө
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 9 цаг 26 минутын өмнө
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.