“MINING JOURNAL AWARDS 2010” ШАЛГАРУУЛАЛТЫН ТУХАЙ

2011-01-21 15:51

УИХ-ын гишүүн Х.Наранхүү:

Уул уурхайн салбарын үйл ажиллагааг идэвхжүүлэх, хооронд нь холбож, зохион байгуулах, салбар дотроо мэдээлэл өгөх, зарим талаараа сургалт болох, цаашлаад бизнесийн чиглэлийн хамтын ажиллагааг өрнүүлэхэд энэ шалгаруулалт чухал үүрэг гүйцэтгэж байгаа юм.

Монголын Маркшейдерийн холбооны тэргүүн,
аж үйлдвэрийн гавьяат ажилтан, доктор, профессор Д.Дондов:


Уул уурхайн эрчимтэй хөгжлийн үед ийм том арга хэмжээг санаачлаад, зориг гарган зохион байгуулж буйд нь Mining Journal сэтгүүлийнхэнд талархлаа илэрхийлэх ёстой. Энэ шалгаруулалтад нэр дэвшсэн болон шалгарсан компаниудын үйлдвэрүүдээр очиж нүдээр хараарай. “Эрдэнэт” үйлдвэрийн тэр шинэ технологиудтай танилцаарай. “Оюутолгой”-н үйлдвэрлэлийг очиж хараарай. Багануурын уурхайн нөхөн сэргээлтийг нүдээр үзээрэй. Энэ уурхай нэрийг нь авсан нуурын ус хэрхэн цэлэлзэж буйг хараарай.


Mining Journal сэтгүүлийн
Ерөнхий эрхлэгч Л.Болормаа:


Уул уурхайн салбарыг зөвхөн мөнгө, ашиг гэж нэг талаас нь хардаг ойлголт нийгэмд түгээмэл байгаа ийм үед уул уурхайн салбарыг зөвөөр дэмжиж, эрүүл хөгжүүлж чадах юм бол энэ нь асар том баялаг болох юм гэсэн зөв ойлголтыг нийгэмд түгээхийн тулд манай сэтгүүлийн редакц өөрсдийнхөө хүч бололцоогоор энэхүү анхдугаар ёслолын арга хэмжээг зохион байгууллаа.


Сангийн сайд С.Баярцогт:

Мэргэжлийн сэтгүүл Монгол улсын эдийн засгийн гол салбар болсон уул уурхайн тэргүүний үйл ажиллагааг шалгаруулах уламжлал тогтоож байгаа юм байна. Энэ нь нэг жилийнхээ ажлын үр дүнг дүгнэсэн салбарынхны амжилт юм. Нөгөө талаар Монгол улсын эдийн засаг, техник технологийн хөгжил дэвшил ямар түвшинд хүрснээ дүгнэж байгаа хэрэг.


УИХ-ын гишүүн О.Чулуунбат:


Уул уурхайн бизнес гэхээр хүрз бариад шороо цацаад явдаг, хөрөө бариад мод хийчихээд явдаг гэсэн ойлголт нийгэм даяар бий. Уул уурхайн бизнест монголчууд бид хамгийн сүүлийн үеийн технологи хэрэглэдэг улс болж байна шүү, ийм компаниудтай болж байна шүү гэдгийг энэ шагналуудаар нийгэмд зөвөөр ойлгуулж, сурталчилж, мэдээлэх зорилго агуулсан гэж би ойлгож байгаа. 


ШУТИС-ийн харьяа Уул уурхайн хүрээлэнгийн захирал,
доктор, профессор Б.Пүрэвтогтох:


Шагнал ямар нэг юманд чиглэсэн байх ёстой. Уул уурхайн үйл ажиллагааг  дэмжиж, сайныг нь алдаршуулахдаа жанжин шугам нь хариуцлагатай уул уурхай руу шахах юм бол энэ шагналын төлөө өрсөлдөж байдаг, энэ шагналыг авсан байгууллагын бизнес нь дэмжигдэж байдаг, нийгэмд нэр хүнд өсч байдаг байгаасай. Тэгвэл энэ шалгаруулалт их ач холбогдолтой үйл ажиллагаа байх болно.

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • Уржигдар 14 цаг 21 минутад
    Оюутолгой төслийг удирдан хэрэгжүүлж буй “Рио Тинто” групп далд уурхайг ашиглалтад оруулах хугацаа 2022 оны тавдугаар сараас 2023 оны дунд үеийн хооронд болсон тухай өнөөдөр мэдэгдлээ. Энэ нь анх тооцоолж байснаас 16-30 сараар хойшлуулж байна гэсэн үг. Уг шалтгаан нь уул хөрсний нөхцөл ихээхэн хүндрэлтэй байгаагаас үүдэлтэй гэж тайлбарлажээ. Гэхдээ төслийн ашиглалтад орох хугацаа, зардлын талаарх эцсийн тооцооллыг ирэх оны хоёрдугаар хагаст гаргах юм байна. Мөн далд уурхайн бүтээн байгуулалтын зардал анх тооцоолж байсан 5.3 тэрбум ам.доллараас давж 6.5 -7.2 тэрбум ам.долларт хэлбэлзэх бөгөөд өргөтгөл шатны төслийн хөрөнгө оруулалт 1.2-1.9 тэрбум ам.доллараар нэмэгдэнэ гэж мэдэгдэв.
  • Уржигдар 10 цаг 08 минутад
    Үндсэн хуульдаа өөрчлөлт оруулах гэсэн монголчуудын халуун мэтгэлцээн нарлаг  зуны  аагим халуун өдрүүдэд хөвөрч  байна. УИХ-ын Тамгын газрын ажилтнууд иргэд, олон нийтээс ирүүлсэн санал, дүгнэлтийг нэгтгэх ажлаа зургаадугаар сарын 25-наас эхлүүлсэнээ зарлав. Хууль тогтоох байгууллагын эрхэм гишүүд ч тойрогтоо ажиллан, олон нийтийн санаа бодлыг сонсож, төслийн талаар амаа цангатал ярьж буй.  2020 оны долдугаар сарын 1-ний  12.00 цагаас эхлэн улс даяар мөрдөх цаг хугацааны товтой Үндсэн хуулийн нэмэлт, өөрчлөлтийн төсөлд юу тусгагдсан бэ гэдэг мэдээж олны анхаарал татсан сэдэв. УИХ-д олонхийн суудалтай МАН  сонгуулийн мөрийн хөтөлбөртөө тусгасан  улс төрийн амлалтуудын  нэг нь Үндсэн хуульд нэмэлт өөрчлөлт оруулах.  Өмнө нь Үндсэн хуульд өөрчлөлт оруулах оролдлого хэдэнтээ гарч байсан ч янз бүрийн шалтгаанаар “бүтэлгүйтэж” байсан билээ. 
  • 2019-07-09 12:20
    Н.Алтанхуягийн Засгийн газрын үед  Австралийн “Golden Horde” компани Таван толгой ордод метаны нөөцийн судалгаа хийсэн байдаг. Урьдчилсан таамгаар зөвхөн нүүрсээр зогсохгүй метан хийн нөөц арвин байх магадлалтайг тогтоосон юм. Тэдний  судалгаагаар Тавантолгой уурхай дахь метан хийн агуулгын хэмжээ, хийн чанарын үзүүлэлт “маш сайн” гэж гарчээ.  Тиймээс Тавантолгойн бүлэг орд тэр чигээрээ метан хийн асар их хэмжээний нөөцтэй байх магадлалтайг судлаачид тооцоолж байна.
  • 2019-07-08 12:27
    Архангай аймгийн Өндөр-Улаан сумын ЗДТГ-т “Нуклер Энержи Монголиа” ХХК-иас хоёр удаа бичиг ирүүлжээ. Хамгийн сүүлд, сумын Засаг дарга болон Байгаль орчны улсын байцаагчид доорх бичгийг 2019 оны дөрөвдүгээр сарын 15-нд ирүүлсэн байна. Уг бичгийн хариуд сумын Өндөр-Улаан сумын Засаг дарга доорх албан бичгийг дөрөвдүгээр сарын 22-нд өгчээ. “Нуклер Энержи Монголиа” ХХК-иас ирүүлсэн “Байгаль орчны менежментийн төлөвлөгөө”- г аймгийн БОАЖГ-ын дарга мөн батлаагүй байна.Өндөр-Улаан, Жаргалант, Тариат сумдын удирдлагууд тус газарт ямар нэгэн үйл ажиллагаа явуулахыг зөвшөөрөхгүй гэсэн байр суурьтай байдгийг сумын Засаг дарга Б.Эрдэнэхүү онцолж буй. Аймгийн БОАЖГ-аас  мөн ямар нэгэн зөвшөөрөл өгөхгүй гэж тэрээр хэлж байна.
  • 2019-07-05 14:19
    Хоёр сарын өмнө тээвэрлэлтийн замыг хучих боломжгүй хэмээн хэлэлцээрийн үеэр мэдэгдэж байсан “Петро Чайна Дачин Тамсаг” ХХК-тай Сүхбаатар аймгийн удирдлагууд цөөнгүй удаагийн уулзалт хийснээр 100 км замыг хатуу хучилттай болгох тохиролцоонд хүрчээ. Зам хучих ажлыг 2020-2022 онд багтаан гүйцэтгэхээр болсон байна. Тус компанийн тээвэрлэлт хийдэг замын 100 километр нь Сүхбаатар аймгийн нутаг дэвсгэрээр дамжин өнгөрдөг юм.