Ус үндэсний аюулгүй байдлын хэмжээнд яригдав

2012-02-16 14:09

Өнөөдөр 10.00 цагт Үндэсний аюулгүй байдлын зөвлөл хуралдлаа. Хурлаар өмнөд говийн бүс нутагт байрлах стратегийн орд газруудад хэрэглэх усны талаар хэлэлцсэн юм.
Өнгөрсөн нэгдүгээр сард Монгол улсын Ерөнхийлөгч Өмнөговь аймагт ажиллах үеэр иргэдийн хамгийн ихээр хөндөж тавьсан асуудал нь ус. Тиймээс Ерөнхийлөгч  уул уурхайн ордуудын ашиглалттай холбоотой усны хомсдол үүсэхийг харгалзан ийнхүү Үндэсний аюулгүй байдлын зөвлөлийн хэмжээнд хэлэлцэх шийдвэр гаргажээ.

Усны салбарын 20 гаруй судлаач, мэргэжилтнүүд хуралд оролцож санал шүүмжээ хэлсэн байна. Тавантолгойн нүүрсний орд газрыг эрчимтэй ашиглахад усны асуудал хамгийн хүндрэлтэй байгаа. Одоогоор судлагдсан, Тавантолгойд хамгийн ойр, арвин усны нөөцтэй орд бол Балгасын улаан нуур хэмээх гүний орд юм. Уг ордын гидрогеологийн урьдчилсан хайгуулыг 1984 онд, нарийвчилсан хайгуулыг 1987 онд дуусгажээ. Судалгааны дүнд ордын усны нөөцийг 465л/секунд буюу 40176м3/хоног гэж тогтоосон. Харин 2007-2008 онд “Шандын булаг” компани тус орд дээр нэмэлт судалгаа хийгээд усны нөөцийг нэлээд хэмжээгээр багасган тооцоолсон. Тодруулбал 465л/секунд байсныг 150л/секунд болтол бууруулж тооцоолсон юм.

Ийнхүү ордын нөөц нь яг таг батлагдаагүй, зөрүүтэй байдаг учир энэ жил дахин нарийвчилсан судалгаа хийхээр Усны газраас тендер зарласан аж. Албаны эх сурвалжийн мэдээлснээр Тавантолгой ордын ашиглалтыг тогтвортой хэвийн явуулахын тулд эхний ээлжинд Балгасын улаан нуурыг зайлшгүй ашиглаж таарна. Гэхдээ их хэмжээгээр авахгүй. Цаашид усны өөр эх үүсвэр хайх зайлшгүй шаардлагатай аж. Балгасын улаан нуурыг уул уурхайд ашиглуулах эсэхийг орон нутийн удирдлага шийдэх эрхтэй. Ерөнхийлөгч Ц.Элбэгдорж усны салбарын дарга, мэргэжилтнүүдэд хандан, өөр эх үүсвэр давхар хайх буюу гадаргын усыг дамжуулах “Орхон-говь”, “Хэрлэн-говь” төслийн ТЭЗҮ-ийг яаралтай хийж, бодитой эсэхийг нь тодорхойлохыг Үндэсний аюулгүй байдлын зөвлөлийн хуралдаанаас үүрэг болголоо.

О.Хосцэцэг

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 6 цаг 45 минутын өмнө
    “Зогсолтгүй хүч-Шантаршгүй зүтгэл” (Unstoppable Effort. Extreme support) уриатайгаар  үйл ажиллагаа явуулдаг “ЗаМайн Сервисиз” ХХК нь 2010 оноос хойш “Customer Appreciation Day” /Харилцагчдын хүндэтгэлийн өдөр/-ийг хоёр жил тутамд зохион байгуулдаг уламжлалтай. Энэ жилийн арга хэмжээг тус компанийн зүгээс  есдүгээр сарын 13-нд “Скай ресорт” цогцолборт зохион байгуулсан юм. Хүндэтгэлийн өдөрлөгт “ЗаМайн Сервисиз” ХХК-ийн хөрөнгө оруулагч компаниуд, харилцагч байгууллагууд, банк санхүүгийн салбарын  370 орчим төлөөлөл болон “Хитачи констракшн машинери”, “Марубени” корпорацийн уул уурхайн хэлтсийн менежерүүд уригдан иржээ.   
  • Өчигдөр 15 цаг 46 минутад
    Баянхонгор аймгийн Мэргэжлийн хяналтын газар төлөвлөгөөт, урьдчилан сэргийлэх, төлөвлөгөөт бус болон иргэдээс ирсэн гомдлын дагуу хяналт шалгалтыг тогтмол хийдэг. Уул уурхайтай холбоотой эдгээр хяналт шалгалт болоод цаг үеийн асуудлаар аймгийн Мэргэжлийн хяналтын газрын Геологи, уул уурхайн улсын байцаагч Ц.Болорчимэгтэй ярилцлаа. 2019 онд аймагт хичнээн уул уурхайн компани ажиллаж байна. Эдгээрт хэдэн удаагийн хяналт шалгалтыг хийгээд байна вэ? Энэ онд бид 11 аж ахуйн нэгжийн үйл ажиллагааг шалгахаар төлөвлөсөн. Эдгээр аж ахуйн нэгжийг сонгож төлөвлөхдөө өмнөх жил үйл ажиллагаа явуулсан эсэх, одоо явуулж байгаа, цаашид явуулах эсэхийг хардаг.
  • Өчигдөр 10 цаг 58 минутад
    2016 оны хоёрдугаар хагасаас эхлэн эрдсийн зах зээлд “урь” орж эхэлсэн бол одоо илүүтэй “хүйтрэх” шинжтэй болж ирж байна. Гэхдээ энэ бүхэн нь АНУ-Хятадын худалдааны дайнтай ихээхэн холбоотой. АНУ, Хятад дор бүрнээ дотоодын бизнесүүдийг хамгаалах оролдлого хийж байгаа ч тэдний тулааны нөлөө бусад голлох эдийн засгуудад муугаар нөлөөлж, улмаар дэлхийн эдийн засаг, түүхий эдийн зах зээлийг доош татаж байна. Нөгөөтэйгүүр эрдсийн зах зээлийн бууралтын мөчлөг эхэллээ гэж дүгнэх нь хэтэрхий эрт байгааг энд сануулья. Тухайлбал зэсийн хувьд бууралттай   ч урт хугацааны төлөв нь тун өөдрөг хэвээр. Гэхдээ яг одоогоор алтнаас бусад эрдсийн хувьд бууралттай тулгарч байна. Эрдэс тус бүрээр байдал ямар байгааг авч үзье.
  • 2019-09-13 14:06
    Өнгөрсөн хоёр сарын хугацаанд Баянхонгор аймаг дахь Алт сорьцлох хяналтын лаборатори 10 гаруй иргэн, гурван аж ахуйн нэгжээс 80 орчим кг алт авч Монголбанкинд тушаажээ. Тус лаборатори нь нийтдээ 90 орчим алтан гулдмай хэвлэн гаргаж, химийн сорьцын шинжилгээ хийсэн байна. Тэгвэл энэ оны есдүгээр сарын байдлаар 450 орчим кг алт Монголбанкинд тушаасан бөгөөд нийт 390 орчим алтан гулдмайг хэвлэж, сорьцын шинжилгээ хийсэн аж. Энэ хэмжээ ирэх хоёр сарын хугацаанд өсөх хандлагатай байна.
  • 2019-09-12 17:44
    Оны эхний найман сарын байдлаар Монгол улсын нүүрсний экспорт 25 сая тоннд хүрсэн тухай Үндэсний статистикийн хороо мэдээллээ. Өнгөрсөн оны мөн үеийнхээс жингийн хувьд 5.2%-иар өссөн үзүүлэлттэй байна. Сарын дүнгээр авч үзвэл, өнгөрсөн наймдугаар сард 4 сая 125 мянган тонн нүүрсний экспорт хийж түүхэн дээд амжилт тогтоолоо. Харин мөнгөн дүнгийн хувьд 15.6%-ийн өсөлттэй буюу 2.135 тэрбум ам.доллартай тэнцэж байна. Гэхдээ энэ онд нүүрсний экспорт 42 сая тонн байхаар улсын төсөвт тооцож буй төлөвлөгөө биелэхэд хүндрэлтэй байгааг тэмдэглэх нь зүйтэй. Үндэсний статистикийн хорооны мэдээллээр, оны эхний найман сарын байдлаар манай улсын гадаад худалдааны нийт бараа эргэлт 9.5 тэрбум ам.долларт хүрч 11.9%-иар өсчээ. Үүнд экспорт 5.4 тэрбум ам.доллар, импорт 4.1 тэрбум ам.долларыг эзэлсэн байна. Тодруулбал, экспорт өнгөрсөн оны мөн үеийнхтэй харьцуулахад 15.3%, импорт 7.6%-иар тус тус өслөө.