CCS технологи: Австралийн стратегийн сонирхол

2011-03-15 11:55

Австрали CCS технологид 5 тэрбум доллар зарцуулна

Дэлхийн CCS технологийн хүрээлэнгийн /GCCSI/ тооцоогоор нийт улс орнуудын хэмжээнд 275 CCS-ын төсөл /Carbon Capture and Storage буюу CO2-г ангилан, хадгалах технологи/ янз бүрийн түвшинд хэрэгжиж буйн 15 орчим нь Австралид хамаарч байгаа юм.  Австралийн Засгийн газар 2050 онд хүлэмжийн хийн ялгарлын хэмжээг 2000 оны түвшнээс 60 хувиар бууруулахаар зорьж байна. Мөн тус улс цаг уурын өөрчлөлтийн эсрэг авч хэрэгжүүлэх арга хэмжээнийхээ хамгийн чухал хэсэгт CCS технологийг оруулжээ.


Австрали улсын хүлэмжийн хийн ялгарлын түвшин
       2000 оны байдлаар          2008 оны байдлаар
         496.18 сая тонн                880.86 сая тонн


Австрали улсын эрчим хүчний 80 хувийг нүүрсний цахилгаан станцууд хангаж байна. Тэр хэрээр  тус улсын хүлэмжийн хийн ялгарлын гуравны нэгийг мөн л энэ салбар “үйлдвэрлэдэг” ажээ. Тогтвортой хөгжлийг бий болгоход тус улсад нүүрсний цахилгаан станцууд болон бусад үйлдвэрүүдээс ялгарч буй нүүрсхүчлийн хийг бууруулах нь үндсэн зорилт болж тулгараад байгаа юм. Тиймээс Засгийн газар нь нүүрсийг түшиглэн байгальд нөлөөлөл багатай аргаар эрчим хүч үйлдвэрлэх ногоон технологийг хөгжүүлэх зорилтоо биелүүлэхэд ойрын жилүүдэд 5 тэрбум доллар зарцуулахаа мэдэгджээ. Үүнд нийт хүлэмжийн хийн ялгарлын 70-80 хувийг эзэлдэг нүүрсхүчлийн хийг үлэмж хэмжээгээр бууруулах CCS технологи нэн  чухал юм.

CCS технологи нь нүүрсний цахилгаан станцаас ялгарах CO2-н хэмжээг 90 хүртэлх хувиар бууруулах түвшинд хүрээд байгаа билээ. Тус улсын шинжлэх ухаан, үйлдвэрлэлийн судалгааны байгууллагын /CSIRO/ тооцоолсноор 2050 онд Австралийн цахилгаан үйлдвэрлэлийн 40 гаруй хувийг CCS технологи бүхий нүүрсний цахилгаан станцууд хангах ажээ. Гэхдээ уг технологийг дан ганц нүүрсний цахилгаан станц бус нүүрсний хийн цахилгаан станц, шингэрүүлсэн хийн боловсруулалт болон бусад үйлдвэрлэлд ч ашиглах боломжтой юм. Хэдийгээр өнөөгийн түвшинд CCS технологи өртөг өндөртэй ч Цахилгаан эрчим хүчний судалгааны хүрээлэнгийн /EPRI/ гаргасан тайланд 2030 оны үед CCS хүлэмжийн хийн ялгарлыг багасгах технологиудаас хамгийн бага өртөгтэй нь болох хөгжлийн ирээдүйтэйг дурджээ. Мөн Олон улсын эрчим хүчний агентлаг CCS технологийг ашиглахгүй бол 2050 онд дэлхийн хүлэмжийн хийн ялгарлыг хагас хувиар бууруулсан байх зорилтыг биелүүлэх зардал даруй 70 хувиар өндөр гарна гэж тооцоолжээ.

Үндэсний хэмжээнд хайгуул хийхэд 254 сая доллар шаардагдана

Австрали улсад CCS технологийн хөгжлийг эрчимжүүлэхэд хоёр үндсэн зорилт тулгараад байгаа юм. 
CO2 хадгалах геологийн нөөцийг тогтоох хайгуулын ажлыг эхлүүлж, улмаар тухайн сав газрын стратегийн ач холбогдлыг тодорхойлох ёстой талаар Засгийн газрын Нүүрстөрөгчийн агуулахын асуудал хариуцсан ажлын хэсгээс /CSTF/ зөвлөмж гаргажээ. Ажлын хэсгийн тооцоогоор хайгуулын хөтөлбөрт үндсэндээ 254 сая доллар шаардагдах ажээ. Гэхдээ ажлын хэсэг одоогийн ялгаруулалтын түвшинд геологийн агуулах нөөцийг харьцуулсан урьдчилсан тооцоо гаргажээ. Уг тооцооллоор Австралийн зүүн нутаг дахь CO2 хадгалах геологийн боломж нь 40-450 жил, харин баруун нутгийнх 250-1120 жил гэсэн дүн гарчээ. Геологийн “агуулах” нутаг дундаа хамгийн том эзэлхүүнтэй нөөц газар нь Викториа мужийн Gippsland, Queensland мужийн Surat, Баруун Австрали мужийн Perth-ийн сав газарт оршиж буй ажээ.

 

Сэтгүүлээ захиaлан, бүрэн эхээр нь уншина уу.

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2 цаг 21 минутын өмнө
    “Эрдэнэт үйлдвэр” ТӨҮГ  хүдрийн ил уурхайн дэргэдээ Эмульсийн тэсрэх бодисын шинэ үйлдвэр байгуулж байна. Одоогоор тус үйлдвэрийн барилга, угсралтын ажил 60%, инженерийн шугам сүлжээний ажил 80 орчим хувь, төслийн  нийт гүйцэтгэлийн ажил 50 гаруй хувьд хүрснийг компани мэдээллээ. Үйлдвэрийг 2020 оны хөрөнгө оруулалтаар барьж байгаа аж.  Хэдийгээр “Эрдэнэт үйлдвэр” 1993 онд Монголд анх удаа 10 мянган тонн тэсрэх бодис үйлдвэрлэх хүчин чадалтай  Эмульсийн тэсрэх бодисын үйлдвэрийг байгуулж өнөөдрийг хүртэл ажиллуулж байгаа ч цаашид аюулгүй ажиллагааг хангаж, эрсдэлээс хамгаалах үүднээс  дахин шинэ үйлдвэр байгуулахаар болжээ.
  • 5 цаг 32 минутын өмнө
    Монгол Улсын Засгийн газар 2020-2024 онд уул уурхайн салбарт баримтлах бодлогоо  үйл ажиллагааны хөтөлбөртөө үндсэндээ тусгасан. “Алсын хараа-2050” урт хугацааны хөгжлийн бодлогын  баримт бичигт нийцүүлж гаргасан уг хөтөлбөрийг ердөө зургаан сарын настай,  дээр нь КОВИД-19 цар тахлын  эсрэг бодитой ажиллаж чадаагүй гэсэн олон нийтийн эсэргүүцлийн улмаас огцорсон У.Хүрэлсүхийн танхимын ажлуудыг  дүгнэхэд мэдээж эрт байна. Гэхдээ  аль төсөл нь магад бодитой хэрэгжих  аль нь хэрэгжих  боломжгүйг одооноос хэлж ярьж, тооцоо судалгааг танилцуулж байхад буруудахгүй. 
  • Өчигдөр 16 цаг 37 минутад
    “Рио Тинто” группийн 1.7 тэрбум төгрөгийн буцалтгүй тусламжаар хэрэгжүүлж буй “Оношилгоо, зайн тусламж үйлчилгээний хүртээмжийг нэмэгдүүлэх” төслийн хүрээнд олон улсын жишигт нийцүүлэн байгуулж буй 19 төрлийн тоног төхөөрөмж, дагалдах хэрэгслүүдээс бүрдсэн PCR/ПГУ шинжилгээний гурав дахь цогц лабораторыг Дорноговь аймгийн Замын-Үүд сумын нэгдсэн эмнэлэгт хүлээлгэн (02.24) өглөө. “Монгол Улсын худалдаа, эдийн засгийн гол зангилаа, өмнөд хилийн алтан босго болсон Замын-Үүд боомт болон хил орчмын бүсэд гадаад худалдааны эргэлт тасралтгүй хэвийн явагдах нь цар тахлын энэ цаг үед туйлаас чухал байна” хэмээн УИХ-ын гишүүн Б.Дэлгэрсайхан онцолжээ.
  • Өчигдөр 12 цаг 20 минутад
    Байгалийн баялгийн салбарт засаглал, ил тод, хариуцлагатай байдлыг сайжруулахад мэдээллийн ил тод, нээлттэй байдал хөтлөн чиглүүлэх учиртай. Монгол Улсад энэ чиглэлд жилээс жилд ахиц дэвшил гарч, асар их мэдээлэл нээлттэй болсоор байна. Уул уурхайн салбарт ТӨК-иудын үүрэг, нөлөө онцгой их байгаа өнөөгийн нөхцөлд ил тод байдлыг хангаснаар тэдний засаглал, ашигт ажиллагаа нэмэгдэх суурь бүрдэх юм. Энэ чиглэлээрх тодорхой нэг алхам нь 2014 онд батлагдан, 2015 оны нэгдүгээр сараас хэрэгжиж эхэлсэн төсвийн байгууллага болон төрийн өмчит компаниудын санхүүгийн үйл ажиллагааг нийтэд ил болгон мэдээлэх эрх зүйн орчныг бий болгосон Шилэн дансны тухай хууль юм. Уг хуулиар /www.shilendans.gov.mn/ сайтад маш их тоон мэдээлэл нээлттэй болж байна.
  • Уржигдар 14 цаг 44 минутад
    Оны нэгдүгээр улиралд Мөнгөний бодлогын хорооноос 250 тэрбум төгрөгийн урт хугацаат репо санхүүжилт олгохоор шийдвэрлэсний дагуу (2021.02.22) Монголбанкнаас урт хугацаат репо арилжаагаар ирүүлсэн саналын дагуу Хаан, Худалдаа хөгжлийн банк, Голомт, Хас, Тээвэр хөгжлийн банк, Богд, Капитрон болон Кредит банкуудад нийт 200 тэрбум төгрөгийн санхүүжилтийг олгожээ.  Урт хугацаат репо санхүүжилтийн эдийн засагт үзүүлэх нөлөөг сайжруулах зорилгоор Монголбанкнаас жижиг, дунд үйлдвэрлэл эрхлэгч иргэдийг хамрагдах боломжоор хангаж, жижиг, дунд үйлдвэрлэл эрхлэгчдэд олгох зээлийн дээд хэмжээг 3 тэрбум төгрөг болгон нэмэгдүүлсэн байна.