|

Хятадын төмрийн хүдрийн эрэлт 6 сая тонноор буурна

2017 оны 11 сарын 14
Хятад улс өвлийн улиралд агаарын бохирдол нэмэгдэж буйтай холбогдуулан зарим хүнд үйлдвэрүүдийг тодорхой хугацаанд зогсоохоор болсон билээ. Тус улсын 28 хотын төмөрлөгийн үйлдвэрүүдийн үйл ажиллагааг хязгаарлах журам энэ сарын 15-наас мөрдөгдөж эхэлнэ.

Үүнтэй холбогдуулан арваннэгдүгээр сард Хятадын төмрийн хүдрийн эрэлт 6 сая тонноор буурах төлөвтэй байна. Энэ тухай Хятадын ган, төмөр үйлдвэрлэгчдийн ассоциацаас мэдээлжээ. Зарим хотууд, тэр дундаа гангийн томоохон үйлдвэрлэгч Таншань, Ханьдан хотууд журам мөрдөгдөх хугацаанаас өмнө буюу энэ сарын 3-наас нүүрс ашигладаг төмөрлөгийн үйлдвэрүүдээ бүрэн зогсоосон байна.

Аравдугаар сард Хятадын түүхий эдийн Даляны бирж дээр төмрийн хүдрийн үнэ 5.8%-иар буурчээ. Энэ сарын 10-ны байдлаар, тус улсын далайн боомтууд дахь төмрийн хүдрийн нөөц 137.87 сая тонн байгаа нь өмнөх оны мөн үеэс 28%-иар илүү байгаа юм.

Э.Од

Сэтгэгдлийг ачаалж байна ...
Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

УУЛ УУРХАЙН ХУАНЛИ

2012
1 сар