Ашигт малтмалын тухай хуульд нэмэлт оруулах тухай

 1 дүгээр зүйл. Ашигт малтмалын тухай хуульд доор дурдсан агуулга бүхий  47¹ дүгээр зүйл нэмсүгэй.

       “47¹ дүгээр зүйл.  Стратегийн ач холбогдол бүхий ордын ашигт малтмалын нөөц ашигласны тусгай төлбөр

47¹.1. Эрх бүхий байгууллагын зөвшөөрснөөр стратегийн ач холбогдол бүхий ашигт малтмалын ордын төрийн эзэмшлийн хувь, хэмжээг гэрээний нөгөө талд шилжүүлэхээр талууд тохиролцсон тохиолдолд төрийн эзэмшлийн хувь хэмжээг шилжүүлэн авч байгаа тал буюу ашиглалтын тусгай зөвшөөрөл эзэмшигч нь стратегийн ордын ашигт малтмалын нөөц ашигласны төлбөрийг энэ хуулийн 47.2  дахь хэсэгт заасан журмын дагуу тооцож улсын төсөвт төлнө.

47¹.2 Энэ хуулийн 47¹.1-д заасан стратегийн ач холбогдол бүхий ордын ашигт малтмалын нөөц ашигласны тусгай төлбөрийн хувь хэмжээг Засгийн газар батална.”

47¹.3 Энэ хуулийн 5.3-5.5-д заасан стратегийн ач холбогдол бүхий ашигт малтмалын нөөц ашигласны тусгай төлбөрийн хувь  хэмжээ нь тухайн ордын онцлогоос хамаарч 5 хувиас хэтрэхээргүй байна.

2 дугаар зүйл. Ашигт малтмалын тухай хуулийн 5.3-5.5 дахь хэсгийн “гэрээгээр тодорхойлно.” гэсний дараа “Уг гэрээгээр тогтоосон төрийн эзэмшлийн хувь хэмжээг стратегийн ордын ашигт малтмалын нөөц ашигласны төлбөрөөр орлуулж болно.” гэж нэмсүгэй.

3 дугаар зүйл. Энэ хуулийг 2015 оны ....дугаар сарын ....-ны өдрөөс эхлэн дагаж мөрдөнө.