Сурвалжилга

“Бодь Интернэшнл” компани: Тавантолгой-Гашуунсухайт төмөр замыг 2022 онд барьж дуусна

2020-11-09

Гэрэл зургийг Э.Оджаргал /MMJ/

Монголын нүүрсний гол худалдан авагч Хятадын зах зээлд хамгийн дөт чиглэл нь Тавантолгой-Гашуунсухайт (ТТ-ГС) юм. Өдгөө тус чиглэлд төмөр зам барих төслийг үргэлжлүүлэн хэрэгжүүлэгч “Тавантолгой төмөр зам” компанийн захиалгаар “Бодь Интернэшнл” компани ерөнхий гүйцэтгэгчээр ажиллаж байна. Төслийг өргөтгөж цогц байдлаар, сургууль цэцэрлэг, ээлжийн ажилчдын 1000 айлын орон сууц, төмөр замын 6 зөрлөгийн байгууламж, Гашуунсухайт өртөөнд 300 айлын орон сууц, эрчим хүч татах зэрэг бүтээн байгуулалтыг хэрэгжүүлэхээр төлөвлөж, санхүүжилтээ тооцжээ.

Төслийг өргөтгөж цогц байдлаар, сургууль цэцэрлэг, ээлжийн ажилчдын 1000 айлын орон сууц, төмөр замын 6 зөрлөгийн байгууламж, Гашуунсухайт өртөөнд 300 айлын орон сууц, эрчим хүч татах зэрэг бүтээн байгуулалтыг хэрэгжүүлэхээр төлөвлөж, санхүүжилтээ тооцжээ.

ТТ-ГС төмөр зам нь Тавантолгой, Гашуунсухайт гэсэн үндсэн 2 өртөө хооронд Өмнөговь аймгийн Цогтцэций, Баян-Овоо, Ханбогд сумын нутаг дэвсгэрээр 240 км үргэлжлэх ба Тавантолгойн уурхай руу орох, Монгол-Хятадын хилээр холбох хэсгийн нэмэлт төмөр зам багтаснаар дэлгэмэл уртаараа нийт 267 км болох аж.

Одоогийн байдлаар, өртөө хоорондын 130 км замыг угсарчээ. I зэрэглэл бүхий уулзваргүй төмөр зам болохыг “Бодь Интернэшнл” компанийн инженерүүд онцоллоо.

Төслийн санхүүжилтийг, газрын баялгийг урьдчилан борлуулж хөрөнгө оруулалтыг шийдвэрлэх чиг үүргийг Засгийн газраас “Тавантолгой төмөр зам” компани өгсөн байдаг.

Үүний дагуу, “Эрдэнэс Тавантолгой” компанийн нүүрс борлуулах ирээдүйн ашигт тулгуурлан ТТ-ГС төмөр замын төслийг санхүүжүүлэх гэрээг компаниуд байгуулжээ. Нийт өртөг, өмнө нь оруулсан (“Чингис” бондын 200 сая ам.доллар, Сангийн яамнаас 80 сая ам.доллар) хөрөнгө оруулалттай нийлээд нийт 1.3 тэрбум гаруй ам.доллар.

Үүнээс 900 гаруй сая ам.долларыг “Тавантолгой төмөр зам” компани урьдчилсан байдлаар босгож төслийг хэрэгжүүлж дуусгаад, тодорхой үе шаттай уурхайн үйл ажиллагаанд нөлөөлөхгүйгээр жилд нүүрс борлуулах эрхийн 10%-ийг төмөр замын гүйцэтгэгч компанид шилжүүлэх байдлаар төслийн өртгийг нөхөх юм байна. Зээлээр төмөр замыг барьсан тохиолдолд, 12 жилд өртгөө нөхөх тооцоо гарчээ.

TOPIC

MINERALS

RESOURCE

STRATEGIC DEPOSIT

INFRASTRUCTURE