Ашигт малтмалын газар, МХЕГ, НХХЯ-ны төлөөлөл, даатгалынхан, уул уурхайн компаниуд болон Гандантэгчинлэн хийдийн лам нар “Нэн түрүүнд аюулгүй ажиллагаа” чуулганд нэгдэв. “Уул уурхай эрчимтэй хөгжиж байна” гэсэн өгүүлбэр энэ салбартай холбоотой бүхэнд ёс юм шиг дагалддаг болсон. Ийнхүү эрчимтэй хөгжлийн үрээр шинээр ашиглалтад орж буй уурхайн тоо хэдэн арваар нэмэгдэж байгаа өнөө үед салбарыг хөдөлгөгч гол хүчин болсон ажилчдын аюулгүй байдал ямар түвшинд байна вэ? Тэдэнд хамгийн ихээр тулгамдаж байгаа асуудал юү вэ? Эдгээр асуултад хариу олж, шийдэх алхмыг эхлүүлэхийн тулд дээр дурдсан төлөөлөгчид хоёр өдөр хуралдсан юм.